التعريف بالمادة
#اسأل_اللجنة_عن_المواد
#فيزياء_عامة_2
-----
الأسم المتداول:فيزيا 2🌚
*عدد الساعات المعتمدة في الخطة : 3 ساعات
*موقعها من الجدول ، العلوم والآداب ، الفيزياء
*رقم السطر : 921020
------------
#مادة فهم حرفيا ، اللي بده يحفظ رح يتعب و هو يحفظ القوانين ، لانه كمية القوانين الموجودة بالمادة مش طبيعية ، بس معظمها بتقدر تشتقه من التكاملات و القوانين الاساسية ، فلا تتعب حالك بالحفظ ، و افهم من الاساس كيف اجاك كل قانون رح تسهّل عحالك كتير بالدراسه و رح تشوف الماده بسيطه جدا.
كحجم ، المادة #ثقيلة ، 9 تشابترات ، بتبلش من تشابتر 23 .
#الفيرست ، بالعادة بكون من تشابتر 23 ل تشابتر 25 ، بس عدورنا ما دخلولنا غير 23 و 24 ، بتكلم هاذ الجزء من المادة عن المجال الكهربائي بشكل عام ، و كيف توجده لشحنات نقطية ، او توزيعات من الشحنات ، رح تستخدم التكاملات ، و بامكانك من البداية تحفظ -مع اني ضد هاي الطريقة- ، و بعدين بتنتقل المادة للتدفق اللي هو موضوع جدا جدا سهل .
#السكند ، ببلش من تشابتر 25 ل تشابتر 27 ، بالبداية بكون عندكم الجهد الكهربائي ، موضوع سهل و في منه بالتوجيهي ، و مرة ثانية فيه تكاملات ، بس اسهل بكثير من تكاملات المجال ، و بعد ما تخلصوا الجهد بتبلشو بالاشي المرتب ، اللي هو المواسعات ، و هي جدا سهلة ، و معظمها اشياء من التوجيهي ، كيف تحسب شحنة مواسع ، اوجد المواسعة المكافئة ، اوجد الجهد للمواسع ... الخ ، كلها قوانين مباشرة و مفيهاش صعوبة ، و بعدها رح يكون التيارات ، اللي لسا اسهل من المواسعات ، كيف توجد القدرة ،و الجهد ، و المقاومة ، و اشياء بسيطة بتتكلم عن التيارات بشكل عام
#الفاينال ، اصعب شوي ، بس بضل حلو ، من تشابتر 28 لتشابتر 31 ، بدايته حلوة و سهلة ، دارات كهربائية و كيرتشوف و لخبطات توجيهي ، بعدين ببلش بالمجالات المغناطيسية ، و بيعطيك عليها قوانين خير الله ، بس نصها بتشتقه من قانون واحد فلا تحفظ ، افهم القانون الاول بسس ،،، تشابتر 30 بتكلم عن المجال المغناطيسي لتوزيع من التيارات ، رح تستخدم فيه التكاملات ، و رح تكون اصعب من التكاملات تبعت المجال الكهربائي ، اما اخر المادة اللي هو الحث المغناطيسي ، و هو كثير سهل و ما بده جهد كثير ، قوانينه قليلة و واضحة ، و اسهل من اللي قبله.
--------
#مصادر الدراسة
ممكن الاغلب يعتمد على شرح الدكاتره، و لكن في حال انك درست عشرح دكتورك و ما فهمت منه، الك بدائل عده، رح اقلك تسلسل الدراسه كيف حيكون، اول شي في عندك شرح المهندس محمد لافي على قناة اللجنة
هي رابط الشرح:
https://www.youtube.com/playlist?list=PLdL3o9rqPLb65vqvcyHXW_xZ8dudFL1sdثانيا بتمسك شرح بشار بتدرسه بتفهمه عالمزبوط بعدين بتروح لدفتر علي حلاوه بتدرسه و بتحل الامثله تاعته بعدين اذا كفاك وقت بكون كتير منيح انك تحل اسئلة القرعان لأنه الامتحان كتير بيجي اسئله منه 🔥 ممكن تشوف البروسيجر شوي طويل و لكن بضمنلك الفل اذا اتبعته بشكل صحيح و كامل 🔥 و طبعا اكيد ضروري انك تحل السنوات هاي لا مفر منها 🔥🔥
طبعا في حال ما زبط معك الشرح الورقي هاد ف الك باليوتيوب طبعا هون عندك اكتر من اوبشن، في فيديوز لأحمد عوض (ما بنصح فيها لأنه بحفظك تحفيظ) و الاوبشن التاني اللي هو فيديوز بالانجلش لواحد اجنبي هي قناته (جدا ممتاز):
https://www.youtube.com/user/ilectureonlineبتدخلو على ال playlist تاعت physics-electricity and magnetism
طبعا مش كل الماده مشروحه فكونو متبعين من دوسية علي حلاوه عالاشياء الداخله.
الاوبشن التالت، تكون مجتهد و انت تدوّر عفيديوز (سيرتش عاليوتيوب لأسم الموضوع المش فاهمه من الماده) لانو اليوتيوب بحر و بتطلع منه عالِم🤓.
بالاضافه طبعا ل فيديوهات حل اسئلة لبشار زيود بفهمك كيف تفهم السؤال وتبلش حل فيه
--------
اذا اعطيتها حقها و درست عليها اول باول ، رح تجيب الA+ بسهولة ، بس تنساش تدرس اول بأول
#لجنة_الهندسة_الكهربائية
#فكرة_تحيا_على_نبض_قلوبكم 💛🔥