التعريف بالمادة
#اسأل_اللجنة_عن_المواد
#لاب_المايكرو
عدد الساعات: 1
الاسم في الخطة الأكاديمية: مختبر المتحكمات الدقيقة والانظمة
رقم السطر: 244720
بتتطلب مايكرو سابق دراسة أو متزامن
-------
لاب المايكرو هو التطبيق العملي للمادة 😁... خلال اللاب رح تتعلم تجارب أخذتها سابقا كـشرح نظري بالمادة نفسها ولذلك في اللاب ما رح يشرحلك الدكتور أو المهندس عن آلية عمل القطع ورح تضطر ترجع للسلايدات تدرسها في حال كنت ناسيها🙂...ولكن طبعا في شرح للتجربة بعطيك إياه الدكتور انت من خلاله بتحضر البري لاب وبتحضر حالك لكويز بداية كل لاب وبلزمك تفتح على شيت كل قطعة تفهم شغلها كيف😊.
اللاب بتكلم عن 10 تجارب بتبدا من الأساسيات حتى الاحتراف أخي بالله 😂
التجربة الأولى: Familiarization and Introduction to Logic Gates
هاي عبارة عن مقدمة بعرفك فيها على البوابات المنطقية الي أكيد أنت بتعرفهم من أيام التوجيهي مش بس الجامعة وهي تجربة سهلة وما فيها اشي😇
التجربة الثانية: Combinational ***** – Half Adder and Full Adder
هاي التجربة تتكلم عن موضوع جمع الأعداد الباينري وأنواع الجمع وكيف تتعامل مع الadder بشكل عام.
التجربة الثالثة: Combinational ***** – Seven Segment *** Decoders
هاي التجربة بتحكي عن قطعة بتضوي بالرقم الي أنت اخترته من المفاتيح وشوي بدها تركيز وافهم القطعة منيح لأني حاس رح تيجيكوا بالميد يا لافي انت وشمري😜
التجربة الرابعة: Combinational Logic – ******** and Multiplexers
التجربة بتحكي كيف تتعامل مع الديكودرز والملتيبلكسرز... نفس النظري بس اللهم بتشبكه عالمفاتيح والled بضوي حسب الاوتبوت للديكودر والملتيبلكسر برضو ركزوا فيها مش غلط 😂
التجربة الخامسة: BCD to Excess-3 Converter and Vice Versa
تجربة سهلة وبسيطة الفكرة منها انه بتدخل رقم 5 (0101) مثلا بطلع الاوتبوت 8 (0100) يعني بزيد 3 بالاوتبوت وعشان تبين انها تجربة وبلا بلا بتعملها بالعكس بترجع من 8 ل 5... عشان تتأخر وما تلاقي باصات 😪
التجربة السادسة: Sequential Logic: Flip Flops
هاي التجربة بتتكلم عن كيف تستخدم الفليب فلوب وتعمل ********** حسب ما بدك وبده الدكتور.
التجربة السابعة: ********** Logic: Counters
هاي التجربة بتحكي كيف نعمل عداد... يعني مثلا من 0 ل 5 وهكذا.
التجربة الثامنة: ******** Load and Shift Registers
التجربة هاي بتحكيلك كيف تعمل شفت لليمين ولليسار وكيف تدخل داتا وهكذا... تجربة سهلة بس بدها تركيز كبير... مثال عشان لافي يتحمس😛 بعطيك الدكتور 0100 وبقلك من خلال الأرقام وقصة رح تفهموها لاحقا انه اعمل شفت لليمين وبعطيك الانبوت 1 مثلا فبصير الرقم الفوقاني 1010 أتمنى تكون وصلت... اذا ما فهمتوا في المهندس صديق أبو شريخ رح يساعدكم😬
التجربة التاسعة: ************ a ****** Device
واضح من العنوان انك بدك تعمل ميموري تخزن الداتا الي عندك😊
التجربة الأخيرة: ****** Adder
الي بستلم اللاب هو البروف أحمد أبو الهيجا ولكن الي بكون معكم باللاب غالبا مهندس أو مهندسة... مثل ما قلتلكم ما في شرح للتجارب لازم تكون محضر ومجهز البري لاب وتشتغل عليه وجرت العادة يكون في كويز بسيط بداية كل لاب... تجربة الأونلاين باللاب ما رح تحس بفرق كبير عن شغلك باللاب ولكن رح يصير في كويزات أصعب بعض الشيء عن الكويزات الاعتيادية😥
نظام العلامات بالعادة 20% عالريبورتات و20% على شغلك باللاب والكويزات اليومية و20% على الميد و40% على الفاينل 💛
بالتوفيق جميعا 💛
#لجنة_الهندسة_الكهربائية
#فكرة_تحيا_على_نبض_قلوبكم