التعريف بالمادة
#إسأل_اللجنة_عن_المواد
مقدمة في المتحكمات الدقيقة
ديجتال ديزاين المعروفة ب #مايكرو_كونترولرز
** إقرأ للآخر 😏🤗
المادة اللطيفة
مكونة من سبع تشباتر وكل شابتر بعتمد على الي قبله
يعني المادة زي الرياضيات ما بتقدر تحل معادلة من غير ما تعرف تجمع وتضرب
وهي ما بتقدر تعمل ديزاين الا لما تفهم الأساسيات وبهاي الطريقة ببلش تدرج المادة من السهولة للصعوبة ومن الملل للمتعة 😍
اول شابتر بحكي عن الأنظمة العددية وكيفية التحويل بيناتها والعمليات الحسابية عليها والبوابات زي ال AND وOR (هاي من الأساسيات الي لازم تعرفها) وأهم اشي النظام الثنائي ونظام BCD
يعني باختصار شابتر 1 هو الي كل المادة شغلها عليه ورح تشوفه لحتى آخر نفس بالمادة
بعد ما عرفت الأنظمة صار وقت تعرف تتعامل مع معادلات وبشابتر 2 بتبلش تتعلم كيف تعمل اقتران وكيف تبسّط أي اقتران بيجيك بطريقة خلينا نحكي بدائية 😂 (مش لاشي بس لأنه في طريقة أسهل للتبسيط بالتشابتر الي بعده)
شابتر 3 بتكمل بدراسة تبسيط الاقترانات وبتتعلم طريقة أسهل من خلال (K-map)
وبصير عندك معرفة أكبر بطريقة رسم البوابات (AND و OR) ورح تعرف أشكال ثانية الهم
بأول ثلاث تشابتر بتكون مادة الفيرست خلصت حاول قدر الإمكان إنك تجيب فيها علامة لأنه رح تكتشف بعدين إنها أسهل جزء وبنجاب فيها علامات
شابتر 4 بتبلش خبراتك بالديجتال ديزاين تزيد
وبتبلش تخوض بالمادة وتعرف كيف تحلل سيركت وكيف تبني سيركت بدراستك لcombinational circuits ورح تتعلم أشكال كثيرة وسيركت متنوعة
هون صدقا بتبلش المادة تحلو وتصير ممتعة
شابتر 5 بتتعلم نفس الأشياء بشابتر 4 لكن لنوع ثاني من السيركت الي هو sequential circuits وبطريقة مختلفة هاد النوع بعتمد على الزمن عكس الي قبل
من أكثر أجزاء المادة المحتاجة تركيز وفهم
وبعدها بتوصل لشابتر 6
(Registers and Counters)
من اسمه يعني بتتعلم كيف تعمل عداد ببعض الأنواع بالمعايير الي انت بتختارها وكيف تخزن ارقام بترتيب معين
شابتر ممتع وكمان بده فهم منيح
وبشابتر 7 آخر جزء بالمادة بتسمع اشي مألوف RAM و ROM لكن بطريقة غير بحيث إنك بتصير تعرف مبدأ عملهم وشو هي الآلية والفرق بينهم بنظر الديجتال ديزاين
وتمت المادة بحمد الله 😊
المادة الحكي عنها سهل بس بدها شغل
بآخر فصل للمادة البروف أحمد أبو الهيجا غير نمط الأسئلة وصار يعتمد فيها على الفهم
يعني إذا ما فهمت ما رح تقدر تمشي
سلايدات الدكتور ما بتعطيك اشي غير جزء من المادة
إنت بدورك لازم ترجع للكتاب لتحل أسئلة وتتمرس ونصيحة احضر فيديوهات للمادة على اليوتيوب ل Nesso Academy
اكتب اسم الموضوع ورح يطلع شرح الهم بهاي القناة وصدقاً مفيدة جداً وحاول تحضر كل الفيديوهات كلهم كلهم كلهم
(عددهم بحدود 203 فيديو بس مدة اطول واحد منهم ربع ساعة والباقي اقل) والنصيحة إنك تحضرهم بعد كل محاضرة أول بأول لحتى لا يتراكمو عليك
وزي ما حكينا بالأول المادة زي الرياضيات فهي فعلاً زيها بتحتاج لتمرّس وعلى قد ما بتحل أسئلة على قد ما بتزيد خبرتك بالمادة وبصير تفكيرك فيها أسرع وطبعا حل سنوات سنوات سنوات
(ولحتى ما تنغدر احتمال كبير يجيك سؤال تصفن فيه وما تعرف شو بده 😂)
وهيك تقريبا قدرنا نعطي وصف بسيط لحبيبة الشعب #مايكرو
#كل_التوفيق
#لجنة_الهندسة_الكهربائية
#فكرة_تحيا_على_نبض_قلوبكم 💛