التعريف بالمادة
#اسال_اللجنة_عن_المواد
#مشين
الاسم باللغة العربية :الالات الكهربائية
الاسم باللغة الانجليزية :electric machine
رقم السطر:243321
رمز المساق:كه332
المستوى:سنة ثالثة
الكتاب :Electric machinery fundamentals/chapman
________________________
المادة هاي من أدسم وأطول مواد القسم، طويلة بشكل غير طبيعي ومن أول ما تبدأ فيها رح تكونوا ملحوقين بالمادة😂
للأمانة والمصداقية صحيح المادة طويلة
إلا انه ولا موضوع فيها معقّد ومش مفهوم
كل حرف مطلوب منك سهل جدا إنك تفهمه وتبع مع دكتورك والكتاب مفيد جدا كمان
مادة الفيرست :
أسهل مادة هي مادة الفيرست وسهل جدًا جدًا تفلل الفيرست أو قريب الفل
المادة بتحكي عن ال magnetic circuits موضوع أخذنا شوي منه بالـ EM1 ومش صعب أبدًا وسؤاله مضمون
بعدين رح تاخذوا الـ single phase transformer هذا الموضوع راح ياخذ وقت بالشرح
وهذا الموضوع الدكتور بيعطيه حقه وزياة كمان لانه أساس كثير شغلات لقدام
بعدين رح تاخذوا three phase transformer
+
Open delta
مواضيع جديدة وبدها تركيز خصوصًا الـ open delta الي رح تحس فيها إنك مش ماخذ سيركت2😂
فضروري تكون مشغل حواسك كلها طول المادة
غالبا هيك بتكون مادة الفيرست إضافة لمقدمة عن ال DC Machines
مادة السكند:
هي عبارة عن كل اشي يتعلق بال Dc machines
سواء motor or generator
المادة هاي بالذات مش هينة وبدها تركيز ودراسة صح واول بأول وتعتبر أصعب موضوع بالمادة لإنه عليها افكار كثيير ورح تحس انك مش حاصرها
بعديها رح تنتقلوا لل Ac machines تقريبا التعامل معها اسهل من ال DC
رح تاخذوا الـ three phase induction motor
هذا الموضوع من أهم الموضوعات بالمادة، كان يدخل بالسكند بس على الغالب بكون جزء منه داخل
مادة السكند سهل جدا تمسكها وسهل جدا تفرط من ايدك
انت وشطارتك ومتابعتك للمادة فانتبهوا كثير عليها
مادة الفاينال:
مادة الفاينال بتحكي عن ال induction generator+ single phase induction motor+shynronouse generator+shynchronouse motor
مادة الفاينال رح تعتمد كثير كثير على نفسك فيها فيما يتعلق بـ shynch.motor,shynch.generator
خصوصا انه الدكتور رح ينلحق بالمادة بس كل اشي موجود فيديوهات بالامكان تسبقوا الدكتور حتى
بس اهم اشي فيها انه تدرسها منيييح لوحدك لإنه امتحان الفاينال أقل اشي 20 علامة على هالموضوعين.
نصائح بسيطة:
1-لما تسجل الماشين انسى كل حرف من الطلاب انه المادة صعبة وهاي القصص
المادة الصعب فيها انها طويلة بس هذا الامر مقدور عليه.
2-المادة هاي كل ما تحل فيها أكثر كل ما صرت (وحش) فيها أكثر وفرصتك تنزل عالية بتصير أعلى
وصدقوني الي حل أكثر كسبها أكثر.
3-احضر احضر ثم احضر لا تضيع محاضرة لأنه المادة بدها حدا متبع منيح
4- اسأل اسأل ثم اسأل، لا تخجل أبدا لأنه ممكن سؤال بسيط وعابر تخجل تسأله فيضيع عليك فكرة كاملة
وعلى قولة الدكتور ساهر للطلاب المشين إحدى المرات
قال: "بدك تحضر غصباً عنك وبدك تفهم غصباً عني"
فاسأل ولا تخجل من اشي حتى لو غلطت مرة ومرتين وعشرة.
ترتيب المادة من سكند وفاينل والخ هذا حسب الدكتور ساهر، لكن هاد الفصل الي اخذها الدكتور أحمد أبو الرب وهاي اول مرة بياخذها
لا تخافوا لأنه الدكتور أحمد معروف عنه شرحة جيد جدا، ضروري تسمع منه وتركز معه واذا مشيت على الي بقلك ياه ما رح تخسر اكيد، الدكتور التعامل معه لطيف ومحترم جدا بحب الطالب الي بسأل، ضروري تحسسوه انكم مهتمين وبدكم علم وتفهموا بمعنى خليه راضي عنكم
بالنسبة للحل فسنوات الدكتور ساهر فيها أفكار كثير واذا حليتهم وفهمته كلهم رح تكون قادر تحل اي اشي قدامك تقريبا لأنهم شاملين كثير وفيهم أفكار متنوعة.
بالنهاية:
فالكو التسفيح فيها يا رب والعلامات العالية 🌸🌸🌸
#لجنة_الهندسة_الكهربائية
#فكرة_تحيا_على_نبض_قلوبكم 💛