التعريف بالمادة
#اسال_اللجنة_عن_المواد
#ميكانيكا_هندسيه
*الاسم المتداول : ميكانيكا
*الرمز : مك 215
*القسم : هندسه الميكانيك
*عدد الساعات المعتمده : 3
*موقعها في الخطه الدراسية : سنة ثانيه فصل اول
*المتطلب المتزامن ( لا يوجد)
*المتطلب السابق (فيزياء 101 )
________________________
#طبيعة_المادة
المادة متوسطة الصعوبة بشكل عام بعيبها انها طويلة ١٠ شباتر وبتحتاج حل كل السجستد حتى تلموا بكل أفكار المادة
مادة #الفيرست
بتبدا المادة بشرح الفيكتورز والمادة تقريبا مطابقة للفيكتورز اللي بالتحليل يعني حتتعلموا ضرب وجمع المتجهات بالثلاث أبعاد ثم بتحكي بشابتر ٣ عن اتزان الاجسام بالبعد والبعدين وببقية الفيرست بنوخذ جزء من شابتر ٤ اللي هو حساب محصلة العزوم بالبعدين 🔄
مادة الفيرست سهلة ومتشابهة مع الفيزيا ٢ والتحليل
ماده #سكند
بتكمل شابتر ٤ وبتحسب محصلة العزوم بالثلاث أبعاد ثم بالنهاية بتحسب محصلة العزوم لتوزيع من العزوم باستخدام التكامل او المساحة تحت المنحى😯، بعدين بندخل شابتر ٥ واللي هو اتزان الاجسام الساكنة حول مفصل أو حبل أو أسطوانة مثلا وبنحسب رد فعل هاي الأجسام على القوى المحصلة على الجسم ومحصلة العزوم أحيانا بعض الاجسام بكون فيها ٦ مجاهيل فطبيعي يطلع معك ٦ معادلات بس هذا النوع من الاسئلة بيجي بالكويزات مش بالامتحانات لطول طريقة الحل، بشابتر ٦ بنوخذ حساب القوى على الدعائم وبنتعلم طرق حسابها وطبعا هذا عمق المادة وأصعب أجزاءها لكنه مع حل السجستد بكون تعودت عالحل وصار سهل بعدين بنوخذ شابتر ٨ اللي بيتكلم عن الاحتكاك وهذا الاشي مر عليكم بالفيزيا ١ طبعا حتشوفوا بعض الامور الجديدة لكن مش حتتغلبوا لانه ما بنتعمق بالمادة بنوخذ ٣ سكاشن من الشابتر بس😋
ماده #الفاينل
بنبدا بشابتر ٩ اللي بحكي عن مركز الثقل (center of mass) وما بنتعمق بالشابتر برضو ومع حل السجستد بكون وضع المادة سهل جدا لانه أفكارها محدودة ثم بننتقل لشابتر ١٠ اللي مرتبط كثير بشابتر ١٠ بنحسب فيه ممناعة الجسم للدوران (moment of inertia) اله اكم قانون بسيط وبكون معنا أصلا شيت للاجسام المشهورة فبنحل بسهولة السؤال والسجستد بجمع افكارهن (سجستد شابتر ٩ و١٠ مع بعض ٥ اسئلة😂) ثم بننتقل بشابتر ١٦ و ١٧ اللي هم عالم مغاير لكل اشي اخذناه اللي هو عالم الداينمك بنحكي عن اتزان الاجسام المتحركة وبنركز عالاجسام اللي بتدور وما بنتعمق فيها كثير والافكار اللي بالسجستد هي اللي بتيجي بالامتحان.
طريقة دراسة المادة :
بالعادة بندرس شرح المهندس وبنتبع عسلايداته عشان نفهم المادة لكن اظنها صعبة بالاونلاين لهيك كنت ادرس الكتاب افهم منه واللي استصعبه اشوفله فيديوهات عاليوتيوب ثم احل السجستد فأتمكن من المادة
__
نصيحة؛
المادة كبير على فصل صيفي وبدها متابعة باستمرار وحل كثير أفكار وانكم تنزلوها مع الديف والتحليل حتعمللكم مشكلة وانتم مش متعودين عنظام الأقسام وقسم الميكانيك ما براعي ففكروا بغيرها عندكم الديف والتحليل واجباري الجامعة 👋💛
#لجنة_الهندسة_الكهربائية
#فكرة_تحيا_على_نبض_قلوبكم 💛