التعريف بالمادة
#اسأل_اللجنة_عن_المواد
#EM_II
الكهرومغناطيسية 2
رمز المساق : كه 307
رقم السطر : 243071
_________________________
بتبلش المادة من حد ما وقفت معك اي ام ١ يعني من maxwell's equation
اول محاضرتين بتراجع اي ام ١ ع السريع وكل اشي بهمك منها في اي ام ٢
وبداسة maxwell's بتخلص شابتر ٩
لتدخل شابتر ١٠ ومن هون بتبلش المادة فعليا
انتشار الموجات
شابتر ١٠ طويل وفي كثير معلومات وتفاصيل مهمة
رح تدرس انتشار الموجات في
lossless & lossy medium
كل وسط إله معادلاته وحالاته الخاصة
الي بتحتاج فهم منيح وتركيز وربط معلومات لتقدر تميز بين كل حالة وحالة
وفي كل موضوع بدك تحسب المجال الكهربائي والمجال المغناطيسي
انواع وحالات ونظريات وحساب البور للموجات، وانتقالها بين وسطين أو ثلاث
الموجة المنعكسة والمنكسرة وزاوية الانكسار والخ بكل اشي بتعلق بالموجات
وهيك بخلص شابتر ١٠
مادة الفيرست بتشمل ٩ وجزء منيح من ١٠
شابتر ١١ موضوعه عن transmission line
شو هي وشو ال prameters تبعتها يعني
resistance, inductance, conductance, capacitance
وهون بدك تحسب الجهد والتيار لسيركت باعتبار وجود ال T.L وشو بصير لل wave فيه وشو معادلاته
رح تتعلموا طرق مختلفة لحساب ال input impedance
وكمان لحالات ال lossless & lossy
تفاصيل مليانة وكلها مهمة جدا جدا
وهاد الشابتر رح تتعرفوا على اشي اسمه smith chart وهي وسيلة للحل وإيجاد الامبيدنس والطول وكل اشي بالتعليق بموضوع هاد الشابتر، دكتور الأصفر وسلامة بركزوا عليها كثير وبشرحوها بشكل موسع
آخر اشي بالمادة شابتر ١٢ ال Waveguide
هاد أصغر شابتر وعادة ما بياخد وقت بالشرح يعني بخلص ع السريع
بس أسئلته بسهولة بنفع ينلعب فيها او الأصح المادة كلها سهلة التلاعب فيها
رح تحسبوا فيه المجال الكهربائي والمغناطيسي وسرعة الموجة وطولها والبور الها والتردد
وكمان هون في حالات وتفاصيل كثيرة
وهيك بتخلص المادة
بالنهاية المادة كالعادة هي مادة تفاصيل، أصغر تفصيل فيها ممكن يكون حل لسؤال مجلد أو سؤال من كلمتين
المادة مش صعبة اذا فهمتها وعرفت كل "دهاليزها"
مهم تحضر المحاضرات ومهم تحل كل ما حليت أفكار أكثر كان عندك سرعة وقدرة على اكتشاف فكرة السؤال في الامتحان
تقسيمة العلامات ممكن تختلف باختلاف الدكتور لكن العادة هي ٢٥ فيرست و٢٥ سكند و١٠ كويزات و٤٠ فاينل
ولكثرة تفاصيلها الها شيت بالقوانين
إن سمحلكم الدكتور تكتبوها ممتاز بتحطوا كل اشي قدامكم والحالات
اما ان وزع الدكتور الشيت فالعادة بتكون الشيت عامة من غير الحالات الخاصة يعني بكون موجود كل القوانين العامة الي ممكن تحتاجها حتى تشتق الحالات الخاصة أو تستنج قانون معين من غير ما تكون حافظ
استمتعوا 😌
#لجنة_الهندسة_الكهربائية
#فكرة_تحيا_على_نبض_قلوبكم 💛