التعريف بالمادة
اسأل _ اللجنة_عن_المواد
#الكهرومغناطيسة 1
*الاسم المتداول : Em 1
**الرمز : كه 207
*القسم : الهندسة الكهربائية
**عدد الساعات المعتمدة في الخطة : 3
*موقعها في الخطة الدراسية : سنة ثانية فصل ثاني
**المتطلب السابق : فيزياء 102 ، تحليل وسيط
*صفحة المادة في موقع اللجنة :
*https://medialajna.wixsite.com/just/copy-of-micro
_________________________
عالرغم من إنها بعبع القسم 😂 ، مادة الEm أحد أمتع المواد اللي ممكن تدرسها بالجامعة، بتعتمد بشكل كلي على التخيل و الرياضيات، حتدرس في الEm الvector calculus بشكل مفصل ، و تستخدمها بكل المادة.
المادة بتبدأ بمراجعة ال coordinate systems ، بتدرسوا الrectangular و الspherical و الcylindercal ، أخذتوهم بالتحليل لكن بتعيدوهم على إيد الدكتور نهاد و بتفهموهم بشكل كامل ، بتصير الشغلة هاي لعبتكم.
و لحد نهاية تشابتر 3 كل اللي حتدرسوه عبارة عن رياضيات و فيكتورز و تكاملات ، هاي العمليات كلها مجرد تهييء عشان الجد اللي حيصير في المادة من تشابتر 4 و إطلع.
تشابتر 4 بتكلم عن المجالات المغناطيسية، بدايته قانون كولوم ما غيره تبع القوة الكهربائية المتبادلة بين الشحنات، و حتتفرعوا بدراسة حالات الأجسام المشحونة لحد ما توصلوا للقانون العام للمجال الكهربائي اللي ممكن يوجد أي مجال كهربائي لأي جسم مشحون.
و بنفس التشابتر في برضو قانون غاوس، بس ما بيختلف كثير عن قانون غاوس تبع الفيزيا 2 و تقريبا نفس التطبيقات و نفس الأمثلة.
تشابتر 5 صغير نوعا ما و بتكلم عن المجال الكهربائي داخل المواد المختلفة و منه بتتعلموا اشي اسمه الboundary conditions اللي رح تشوفوه برضو بنهاية المادة.
تشابتر 6 بدرس المواسعات و بتتعلموا مفاهيم رياضية جديدة عن طريقة معادلة لابلاس و بوسون ، اللي عن طريقهم ممكن توجدوا مواسعة أي جسم مشحون، هذا التشابتر يمكن يكون أزنخ تشابتر بكل المادة لأنه فيهوش تكاملات الem الممتعة 😂♥️
تشابتر 7 بتنتقل المادة بدل ما تتكلم عن الكهربا تصير تتكلم عن المغناطيسية، و أكيد زي ما درستوا من قبل قانون بيو سافار و قانون أمبير بتردوا تدرسوهم هون بالحالات العامة و بتطبيقات الرياضيات اللي تعلمتوها في البداية، و تقريبا كل اشي أخذتوه من تشابتر 4 ل 6 بتعيدوه بتشابتر 7 و 8 لكن بخصوص المجالات المغناطيسية بدل الكهربائية و برضو إيجاد المحاثة بدل المواسعة.
و أخيرا تشابتر 9 اللي ما بتغوصوا فيه كثير اللي بيتكلم عن قانون فاراداي و المجالات المتغيرة، لأنه بطبيعة الحال بتعيدوا الجزء المهم منه بالem2.
المادة عبارة عن بحر لكنها ممتعة جدا، و بما إنه الدكتور نهاد مستلمها فالإستفادة جدا جدا عظيمة، الدكتور شرحه كثير خرافي ، و الامتحان ما بيطلع من حكيه و شرحه، بيعطيكم قبل كل امتحان أسئلة تتدربوا عليها بالإضافة لامتحانات سابقة تحلوها، ضروري جدت تحلوا الأسئلة عشان تعرفوا بالزبط كيف بتيجي لأنه الدكتور نهاد بحب الإجابات القصيرة و التريكات اللي بجاوبها اي حدا دارس مزبوط، حاولوا اكتبوا وراه كلشي بحكيه بالمحاضرة، و ادرسوا عنوتاته و عحكيه و حلوا سنواته و الأسئلة اللي ببعثها، و مش بس رح تطلعوا بإذن الله بعلامة كويسة، رح تخرجوا من المادة ناس مختلفين و بتفكير مختلف و قدرة على فهم الرياضيات بشكل مختلف تماما.
بالتوفيق جميعا ♥️
#لجنة_الهندسة_الكهربائية
#فكرة_تحيا_على_نبض_قلوبكم ❤