التعريف بالمادة
#اسأل_اللجنة_عن_المواد💛🔥
#DE💛
الدوائر الالكترونيّة الرقميّة
رمز المادة : كه 420
رقم السطر : 244201
المتطلب السابق : الكترو 2
الكتاب المعتمد: introduction to digital microelectronic circuits/Gopalan
المادة المطلوبة : Ch4,5,7,8,9
الدكتور: نضال عبابنة
_______________________
"نقلا عن المهندسة ساجدة"
طبعًا الدكتور نضال من أفضل الدكاترة الي درسوني جزء من الالكترونيات
بفصّل كل اشي مطلوب منك والمادة عنده محصورة ومش ضايعة
المادة تُعتبر من اسهل وأمتع المواد بالقسم إذا حضرت وتبّعت مع الدكتور نضال ودرست مواضيعها أول بأول
🔹مادة الفيرست (BJT saturation logic families /ch4) :
المادة بتبدأ بالتدريج
RTL
DTL
TTL
قبل ما تبدأ المادة رح تعرف بالضبط كيف بشتغل ال Transistor وانه اله اربع حالات:
Off/forward active/saturation/inverse active
واهم حالة بهالجزء هي ال Saturation الي هو بهتم فيها هذا الشابتر حتى تعمل ديزاين لل gates
Inverter/NAND/NOR
الـ RTL ببداية المادة رح تحس انها اشي جديد عليك لإنه احنا متعودين نتعامل مع ال Transistor لما يكون في ال forward active mode بس عادي الامور رح تمشي بسهولة
لانه المبدأ ثابت ما رح يتغير من بداية المادة لنهايتها
🔹مادة السكند(جزء من تشابتر 5 وتشابتر 7)
الجزء من تشابتر 5 هو ممكن أصعب موضوع او خلينا نحكي أطول موضوع بالحل الي هو ال current mode logic
وبهتم بجزء ال emitter couple logic
🔸تشابتر 7:
هاي المادة رح يكون التركيز فيها على الـ Mos FET
وحاليًا هو الأهم لانه صناعة الالكترونيات بتركز على الـ fet وللآن ما زالت بتتطور
التعامل مع ال fet اسهل من ال BJT
بالبداية رح تحسها غريبة شوي بس لما تمشي بالمادة رح تكتشف انها لا شيء يذكر
رح نرجع نبني inverter/nand/nor
بأكثر من طريقة وكل وحدة اسهل من الثانية
امتحان السكند بيجي منيح بس لو بده يجيب اشي طويل بالحل بهتم بال ECL
والباقي بيجي سهل
🔹مادة الفاينال:
(تشابتر 8،9 وجزء من سبعة)
ما تبقى من تشابتر 7 الي هو طريقة جديدة لتبني gates باستخدام ال CMOS سهل جدا وبدهوش اشي
تشابتر 8 هو أزنخ وأصعب اشي بالمادة بس رح أحكيلكو كيف رح يصير سهل
التشابتر هذا بهتم بال feedback timing circuits
رح تاخذوا ال multi-vibrator بأنواعه وكل نوع عليه تطبيق
بعدين نفس التطبيقات رح ترجع تنعاد باستخدام
555 timer
ورح تاخذوا ال
Schmitt trigger circuits
وهو للامانة اصعب موضوع والله وللان مش فاهمه منيح😂😂
رح ترجعوا تعملوا منه نفس التطبيقات
الحلو بهذا الشابتر ورح يخليه سهل انه الدكتور رح يحكي لك ادرس الي بالدفتر وركز عليه كثير وبيجي مثله
وفعلا
على الفاينال ما درسنا الا الدفتر والدكتور جاب نفس الاشي مع اختلافات جدا بسيطة وكانت بسؤال واحد بالفاينال ومفهومة
تشابتر 9 بيحكي عن انه كيف تحول من digital to analog او العكس طريقتين لكل واحدة
ومضمونات وسهلات وبالفاينال بجيب لك الدكتور نفس السيركت دون اي تغيير.
🔸نصائح بسيطة:
-المادة سهلة وسهل تنزلها عالي خصوصا انه الدكتور نضال بحب يدعم الطالب لذلك لا تراكموها واكسبوها
-احضروا محاضرات ولا تطنشوا لإنه المحاضرة عبارة عن ساعة وعشرين دقيقة وبشرح فيها موضوع كامل
واذا ما فهمت من الدكتور الموضوع صعب تفهمها لوحدك
-المادة ما الها مصادر للحل لذلك انت مُجبر تحضر وتفهم طريقة طرح الدكتور للمادة وتفهم كل شاردة وواردة بيحكيها الدكتور لذلك رح ترجع لنصيحة 2
بالتوفيق فردًا فردًا وفالكم الفُل جميعًا
كل التوفيق 🍃
#لجنة_الهندسة_الكهربائية
#فكرة_تحيا_على_نبض_قلوبكم 💛