سيركت 2

#اسأل_اللجنة_عن_المواد

‏‎#سيركت2

-----

‏‎مادة سيركت 2 هي مادة من أهم مواد القسم وتقريبا أول مادة الواحد بوخذها الواحد بالقسم بتقربله التخصص من حياته و الواقع العملي خاصة مع دكتور ساهر، هي طويلة وفيها شوية صعوبة نوعاً ما، لكن بنفس الوقت بنجاب فيها عالي.

ب‏تتكون من 7 شابترات وكل شابتر موضوع مختلف عن الي قبل.

عادةً الدكتور قبل لا يبدأ بتشابترات المادة الفعلية ببدأ بمراجعة تشابتر 9 و10 من سيركت 1 الي هم

- Sinusoids and Phasors.

براجع معكم مفهوم الفيزر وبتفرقوا بينه وبين الكومبلكس نمبرز

وبتنتقلوا بالسيركت من كوكب الزمن لكوكب الفريكونسي 😁 وبتهتموا بموضوع الphase shift أكثر و ومين lead ومين lag بين التيار والفولتية.

- Sinusoidal Steady-State Analysis.

هون برضه مراجعة لطرق تحليل السيركت بالفريكونسي أو الفيزر دومين من ميش ونودال وثيفنينين وسوبر بوزيشن..الخ أهم موضوع تركزوا عليه موضوع ثيفينين الدكتور بهتم كثير فيه كمان في امتحانته.

نيجي لأول تشابتر بمادتنا ومن أهم أساساتها لأنه رح نحتاجه في كل تشابتر من التشابترات الجاي الي هو تشابتر ال

-AC Power Analysis

بتتعرفوا بالبداية فيه على مفهوم الinstantaneous power وال Average power

ووبنتعلم كيف نوصل للماكسيمم أفرج باور ترانسفير للود معين (سماعة/موتور/تلفزيون..الخ) بأكثر من حالة..

بعدين بنيجي لموضوع الRMS Values

للأفرج باور ببتعرفوا على معناه وأهميته وكيف تحسبوه.

والموضوع قبل الأخير بتتعرفوا على الكومبلكس باور والباور فاكتور وتطبيقاته.. ورح تضلوا طول الفصل تحسبوا الكومبلكس باور بما يحتويه من معلومات لأغلب الدارات الي بتواجهكم فالموضوع مهم جدا.

وأخيرا موضوع الواط ميتر أحد أهم التطبيقات الي رح تتعلموا عنها في المادة هو ببساطة أداة بتحسب الأفرج باور المستهلكة..

‏‎بعدين بنيجي لتشابتر ال " three phase "

تشابتر طويل بعتمد على الي قبله من ناحية بعض مفاهيم الباور بس عادي نوعاً ما وقوانينه واضحة بس بده درااااسة صح، ليش اخترنا ال three phase عن غيره، وشو مميزاته.

بنتعرف على أشكاله ال y وال الدلتا وحساب البور وغيره.

وبنتعرف عليه في حالة البلانسد لود والأن بالانسد لود

وبرضه بنتطرق لموضوع الواط ميتر مرة ثانية بهذا التشابتر وبنتعرف على طريقة التو واط ميتر وشو فوائدها وشو محدداتها..

-

‏‎بعد هيك بنيجي لتشابتر ال " Magnetically Coupled Circuits " تشابتر ممتع وسهل

بندرس فيه السيركت وبندرس بنفس الوقت التأثير المغناطيسي من الinductor على الدارة كفولت وأمبير

التشابتر مبني على قانون فارداي بس مش رح نخوض فيه ك em بس كتحليل سيركتس ..

وطبعا موضوع ال transformer الي هو بنقللنا الطاقة من سيركت لثانية عن طريق فكرة الماغنتيك كوبيلينغ وبنتعرف على أنواعه وتطبيقاته العملية

-

بعد هيك بنيجي لتشابتر الFrequency Response

تشابتر مهم بمواضيع الكونترول والاتصالات..

بندرس فيه السيركت وكيف بتتأثر نتيجة تغيير الفريكونسي للسيغنال

بنتعرف فيه على الترانسفير فنكشن وكيف نطلعه للدارة..

بعدين بنيجي لموضوع الBode Plots..

وشو حاجتنا اله وليش تم استحداثه

بنتعرف على الdecibel سكيل و بنتعلم كيف نرسم البود بلوت للسيركت عن طريق معرفة الترانسفر فنكشن الها وشو تأثير الزيروز والبولز على الرسمة بعدها وموضوع الريزونانس بعضكم أخذه بلاب السيركت وما فهمه بس إن شاء الله هون بتفهموه صح وبتعرفوا وليش بنسعى اله او ليش ممكن نتجنبه بناءا على التطبيق الي بدنا اياه..

بعدها موضوع حلو وسهل موضوع الpassive filters

الي هو عبارة عن سيركت معينة بتمرق سيغنالز معينة وبترفض غيرها بناءا على الفريكونسي الها..

وأخيرا موضوع لطيف سريع هو الفريكونسي سكيلنغ

بعدين بنيجي لتشابتر أغلبكم بعرفه وهو تشابتر ال

Laplace Transform

هو عبارة فقط عن مراجعة للي أخذتوه بالسيغنالز

بعدين بنيجي تشابتر

Applications of the Laplace Transform

بتتعرفوا على تطبيقات اللابلاس وعلى حاجتنا للانتقال للs-domain وكيف ننقل السيركت للs-domain

وكيف نعمل اناليسز للسيركت بحالة الs-domain وبنتطرق مرة ثانية لموضوع الترانسفير فنكشنز.

‏‎في بعد هيك فيه تشابتر صغير وبسيط ال two port networks,

بحكي عن أنه كيف بنحسب ال Admittance and impedance

‏‎

نيجي هسا ل

‏‎#كيف_ادرسها ؟

1) احضر محاضرات الدكتور وفيديوهاته

2) راجع المحاضرة وادرسها من الكتاب وحل أمثلته والباركتيس بروبليمز

3) حل كل أسئلة السجستد عن فهم (كلها يعني كلها🤗)

4) حل سنوات الدكتور

الدكتور ساهر (بالوضع الطبيعي) ما بطلع عن أفكار السجستد وإذا بده يجيب فكرة جديدة رح تكون بسيطة

الدكتور ساهر تعامله بالفصول العادية بختلف كليا عن فصلين الاون لاين الماضيين 🙂

حتى تقسيمة العلامات كانت 

فيرست ٣٠

سكند ٣٠

ثيرد ٢٠(بونص)

الفاينل ٤٠ او اكثر 

يعني دلع رسمي 😂😂

ملاحظة اخيرة: 

- السؤال الي رح تتركه من السجستد وما بتحله رح تلاقيه بالامتحان ⁦😂

‏‎

‏‎المادة بتقدر تنزلها عالي بس بدك تتابعها مزبوط 👌 (100%)

‏‎وللمرة المليون موادنا من غير متابعة ودراسة اول بأول ما بتمشي فيها بالمستوى المطلوب

‏‎ادرس، افهم، فلل ✌️ معادلة بسيطة

‏‎#لجنة_الهندسة_الكهربائية

‏‎#فكرة_تحيا_على_نبض_قلوبكم ❤

‏‎#الفريق_الأكاديمي

#circuits_ll #البوست_الشامل تقدم لكم لجنتكم البوست الشامل لمادة السيركت 2 ________ العوامل المساعدة للدراسة : الكتاب والمانيوال https://drive.google.com/drive/folders/1Mlq-RfFUAgnncU2dvlOnSKPszpH-kADV?usp=share_link فيديوهات الدكتور ساهر البطران: https://youtube.com/playlist?list=PLvgLolfaRAWdMQxSlGTwIRAFg_qHOZMW4 فيديوهات الدكتور يزن صمادي: https://youtube.com/playlist?list=PLdL3o9rqPLb5xdfpC_EcIBcufxtOdm_fm دفتر الدكتور ساهر البطران بقلم بشار زيود: https://drive.google.com/drive/folders/1Jkbbazi4loaURbpWqEHjyklCRAaGE-Qr?usp=share_link دفتر الدكتور صالح الردايدة بقلم نرجس ابو زيتون: https://drive.google.com/drive/folders/1CmrYD4A6Z_n84klIKIOI0Vb_rA0EcJnv?usp=share_link دفاتر وشروحات وتفاريغ للمادة من فصول سابقة ومصادر متعددة https://drive.google.com/drive/folders/1gZmjLMQgmXYKNzoMYrAfskzedo5eD9_R?usp=share_link كويزات: https://drive.google.com/drive/folders/1CKJ1-Tdxmr9kjNMf9Ln7lmbA4WAeASNy?usp=share_link سنوات: https://drive.google.com/drive/folders/1m9_cHV3csojA_mBmC3QVAuVcaNvVTcmJ?usp=share_link تقطيعا هنيئا #لجنة_الهندسة_الكهربائية #الفريق_الاكاديمي #فكرة_تحيا_على_نبض_قلوبكم